കോ​വി​ഡ് നി​യ​ന്ത്ര​ണ​ങ്ങ​ൾ: പരിശോധനകളും ക്വാറന്‍റൈനും കർശനമാക്കും; ഉ​ത്ത​ര​വ് ഇ​ന്നി​റ​ങ്ങും 

തി​രു​വ​ന​ന്ത​പു​രം: സം​സ്ഥാ​ന​ത്ത് കോ​വി​ഡ് വ്യാ​പ​നം അ​തി​രൂ​ക്ഷ​മാ​കു​ന്ന സാ​ഹ​ച​ര്യ​ത്തി​ൽ നി​യ​ന്ത്ര​ണ​ങ്ങ​ൾ നി​ശ്ച​യി​ച്ച് കൊ​ണ്ടു​ള്ള ഉ​ത്ത​ര​വ് ഇ​ന്ന് പു​റ​ത്തി​റ​ങ്ങും. ക​ഴി​ഞ്ഞ ദി​വ​സം ചീ​ഫ് സെ​ക്ര​ട്ട​റി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന കോ​വി​ഡ് കോ​ർ ക​മ്മി​റ്റി യോ​ഗ​മാ​ണ് സം​സ്ഥാ​ന​ത്ത് നി​യ​ന്ത്ര​ണ​ങ്ങ​ൾ ക​ർ​ശ​ന​മാ​ക്കാ​ൻ തീ​രു​മാ​ന​മെ​ടു​ത്ത​ത്.

മു​ഖ്യ​മ​ന്ത്രി​യു​ടെ അ​നു​മ​തി ല​ഭി​ച്ച ശേ​ഷം ഇ​ന്ന് ഉ​ത്ത​ര​വ് പു​റ​ത്തി​റ​ങ്ങും. അ​തേ​സ​മ​യം ബ​സു​ക​ളി​ൽ നി​ന്ന് യാ​ത്ര ചെ​യ്യു​ന്ന​ത് ഒ​ഴി​വാ​ക്ക​ണ​മെ​ന്ന നി​ർ​ദേ​ശം മോ​ട്ടോ​ർ വാ​ഹ​ന​വ​കു​പ്പ് മു​ന്നോ​ട്ടു വ​ച്ചി​ട്ടു​ണ്ട്.

ഹോട്ടലുകളും കടകളും രാത്രി ഒൻപതു വരെ
ക​ട​ക​ളു​ടെ​യും ഹോ​ട്ട​ലു​ക​ളു​ടെ​യും പ്ര​വ​ർ​ത്ത​ന സ​മ​യം രാ​ത്രി ഒ​ൻ​പ​ത് വ​രെ മാ​ത്ര​മാ​ക്ക​ണ​മെ​ന്ന​താ​ണ് പ്ര​ധാ​ന നി​ർ​ദേ​ശം. ഹോ​ട്ട​ലു​ക​ളി​ൽ ഒ​രു സ​മ​യം അ​ൻ​പ​ത് ശ​ത​മാ​നം പേ​ർ​ക്ക് മാ​ത്ര​മാ​യി​രി​ക്കും പ്ര​വേ​ശ​നാ​നു​മ​തി.

സദ്യ വേണ്ട; പാക്കറ്റ് ഫുഡ് ആകാം
പൊ​തു​ച​ട​ങ്ങു​ക​ളു​ടെ സ​മ​യം ര​ണ്ടു മ​ണി​ക്കൂ​റാ​യി കു​റ​യ്ക്ക​ണം. പൊ​തു​പ​രി​പാ​ടി​ക​ളി​ൽ 200 പേ​ർ​ക്ക് മാ​ത്ര​മാ​കും പ്ര​വേ​ശ​നം. അ​ട​ച്ചി​ട്ട മു​റി​ക​ളി​ലാ​ണെ​ങ്കി​ൽ നൂ​റു പേ​ർ​ക്ക് മാ​ത്ര​മേ പ്ര​വേ​ശ​നം അ​നു​വ​ദി​ക്കു​ക​യു​ള്ളൂ. വി​വാ​ഹ​ങ്ങ​ൾ അ​ട​ക്ക​മു​ള്ള പൊ​തു​പ​രി​പാ​ടി​ക​ളി​ൽ സ​ദ്യ പാ​ടി​ല്ല, പ​ക​രം പാ​ക്ക​റ്റ് ഫു​ഡ് ന​ൽ​കാം.

മെ​ഗാ ഷോ​പ്പിം​ഗ് ഫെ​സ്റ്റി​വ​ലു​ക​ൾ പാ​ടി​ല്ലെ​ന്നും നി​ർ​ദേ​ശ​മു​ണ്ട്. കോ​ർ ക​മ്മി​റ്റി​യു​ടെ നി​ർ​ദേ​ശ​ങ്ങ​ൾ അ​ത​ത് ജി​ല്ലാ ഭ​ര​ണ​കൂ​ട​ങ്ങ​ൾ​ക്ക് കൈ​മാ​റും. ഓ​രോ ജി​ല്ല​യി​ലേ​യും സാ​ഹ​ച​ര്യ​ങ്ങ​ൾ പ​രി​ഗ​ണി​ച്ച് നി​യ​ന്ത്ര​ണ​ങ്ങ​ൾ ന​ട​പ്പി​ലാ​ക്കു​ന്ന​തു സം​ബ​ന്ധി​ച്ച് അ​ത​ത് ജി​ല്ലാ ഭ​ര​ണ​കൂ​ട​മാ​കും അ​ന്തി​മ തീ​രു​മാ​നം എ​ടു​ക്കും.

നേ​ര​ത്തേ​യു​ള്ള​തി​ന് സ​മാ​ന​മാ​യി പോ​ലീ​സി​ന്‍റെ​യും സെ​ക്ട​റ​ൽ മ​ജി​സ്ട്രേ​റ്റു​മാ​രു​ടെ​യും​ പ​രി​ശോ​ധ​ന​ക​ൾ ക​ർ​ശ​ന​മാ​ക്കും. ആ​ർ​ടി​പി​സി​ആ​ർ പ​രി​ശോ​ധ​ന​ക​ൾ വ​ർ​ധി​പ്പി​ക്കും. വാ​ർ​ഡ് ത​ല നി​രീ​ക്ഷ​ണ​വും ക്വാ​റ​ന്‍റൈ​നും ക​ർ​ശ​നമാ​ക്കാ​നും യോ​ഗം തീ​രു​മാ​നി​ച്ചു.

പൂ​ർ​ണ​മാ​യു​ള്ള അ​ട​ച്ചി​ട​ലി​നു പ​ക​രം, കോവി​ഡ് കൂ​ടു​ത​ലാ​യി റി​പ്പോ​ർ​ട്ട് ചെ​യ്യു​ന്ന സ്ഥ​ല​ങ്ങ​ളി​ൽ പ്രാ​ദേ​ശി​ക​മാ​യി ക​ടു​ത്ത നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്താ​നാ​ണ് ആ​ലോ​ച​ന. കെ​എ​സ്ആ​ർ​ടി​സി ബ​സു​ക​ൾ ഉ​ൾ​പ്പെ​ടെ​യു​ള്ള പൊ​തു​ഗ​താ​ഗ​ത സം​വി​ധാ​ന​ങ്ങ​ളി​ലെ യാ​ത്ര​ക്കാ​രു​ടെ എ​ണ്ണം പ​രി​മി​ത​പ്പെ​ടു​ത്തു​ന്ന​ത് സം​ബ​ന്ധി​ച്ചും ഉ​ട​ൻ തീ​രു​മാ​ന​മു​ണ്ടാ​കും.